നിഘണ്ടുവിനൊരു തിരുത്ത്












ഭൽസനങ്ങളുടെ നിഘണ്ടുവിൽ നിന്ന്‌
'നായ്‌'എന്ന വാക്ക്‌ നീക്കം ചെയ്യുക.....
എച്ചിലിലകൾക്ക്‌ കടി പിടി കൂടുന്നത്‌
പലപ്പോഴും നായ്ക്കളല്ല.....
കുഞ്ഞുങ്ങൾക്ക്‌ കാവൽ നിൽക്കുന്ന
ക്രുദ്ധയായ തള്ളപ്പട്ടി
'ഐ-പില്ലും' അമ്മത്തൊട്ടിലും'
കേട്ടിട്ടേയില്ലായിരിക്കാം !
കണ്ണുകളിൽ കാവലും,
വാലാട്ടുമ്പോൾ നന്ദിയും.....
ഇരുകാലികളുടെ നട്ടെല്ലിന്‌
അങ്ങനെയൊരു ഭാഗമേയില്ല !
കാക്കേണ്ടവരെ കടിച്ചു കീറാനും,
പേയില്ലാതെ പേക്കൂത്താടാനും,
പല വിധമതാഘോഷിക്കാനും,
പഠിച്ചിട്ടേയില്ലായിരിക്കാം !
ഉള്ളുരുക്കുന്ന ജാലകക്കാഴ്ച്ച :
ചീറിപ്പായുന്ന വണ്ടികൾക്കിടയിൽ
ചോരയൊലിപ്പിക്കുന്നൊരിണക്കരികെ
സ്വന്തം ജീവനു ഭയമില്ലാതെ
കാവലിരിക്കുന്ന കൂട്ടുകാരൻ !
'ഒൻപതാം വാർഡും' അനാഥശവങ്ങളും
കണ്ടിട്ടേയില്ലായിരിക്കാം !
ഭൽസനങ്ങളുടെ നിഘണ്ടുവിൽ നിന്ന്‌
'നായ്‌' എന്ന വാക്ക്‌ നീക്കം ചെയ്യുക.....
പകരം ചേർക്കാൻ നമുക്ക്‌
നല്ലൊരു വാക്കുണ്ടല്ലോ.....!!!!!!!!

5 comments:

കെ ജി സൂരജ് said...

ആഴത്തില് സ്പര്ശിക്കുന്നത്‌
നടുക്കത്തോടെ വായിച്ചു..
സാമൂഹ്യപ്രതിബദ്ധതയുള്ള ഒന്നാംതരം കവിത
അഭിനന്ദനങള്..

keralainside.net said...

This post is being listed please categorize this post
www.keralainside.net

കുമാരന്‍ said...

കൊള്ളാം,
നന്നായിട്ടുണ്ട്.
ഇനിയുമെഴുതുക.

അനൂപ്‌ കോതനല്ലൂര്‍ said...

നായ് നല്ല വാക്ക് തന്നെ അതു നീക്കം
ചെയ്യേണ്ട കാര്യം ഉണ്ടോ

അനൂപ്‌ കോതനല്ലൂര്‍ said...

കൊള്ളാട്ടോ