മഞ്ഞുതുള്ളി

പുലരിത്തുടുപ്പിൽ,തണുത്ത കാറ്റിൽ,

അടരാനൊരുങ്ങി വിതുമ്പി നിൽപ്പൂ,

ഏകാന്തമേതോ വിഷാദം പോലെ-

യിലത്തുമ്പിലൊരു കൊച്ചു മഞ്ഞു തുള്ളി,

ഉള്ളിലെയൊരു കൊച്ചു പേടി പോലെ,

മാഞ്ഞു പോകും പ്രിയസ്വപ്നം പോലെ,

നിഷ്ഫലമേതോ പ്രതീക്ഷ പോലെ,

ജീവിതം പോലെ, കണ്ണീരു പോലെ.......

ചിതറിവീണീ മണ്ണിലലിയും മുൻപേ,

നിന്നെയും, നിന്നിലെ സൂര്യനെയും,

ഏറ്റുവാങ്ങട്ടെ ഞാൻ കൈക്കുമ്പിളിൽ,

പ്രസാദമായ്‌,നിസ്വയാം ഭൂമിയെപ്പോൽ......